Pleyeri seçin:
Fransanın sabiq prezidenti həbs edildi
Fransanın eks-prezidenti Nikola Sarkozi korrupsiya və nüfuz alveri ittihamı ilə bir il real və iki il sınaq müddətinə həbs edilib.
Məlumata görə, bu barədə Paris Apellyasiya Məhkəməsi qərar çıxarıb. Bununla da məhkəmə sabiq prezident barəsində bundan əvvəl verilmiş qərarı qüvvədə saxlayıb. Apellyasiya Məhkəməsi həmçinin N.Sarkozini seçkilərdə namizəd olmaq hüququndan da məhrum edib.
Bu iş üzrə digər təqsirləndirilən şəxslər – N.Sarkozinin keçmiş vəkili Tyerri Erzoq və Konstitusiya Məhkəməsinin keçmiş hakimi Jilber Aziber barəsində də hökmlər qüvvədə saxlanılıb.
İstintaqın məlumatına görə, Fransanın keçmiş rəhbəri 2014-cü ildə vəkili vasitəsilə Jilber Aziberə seçki kampaniyasının maliyyələşdirilməsi iddiası üzrə aparılan istintaqa dair məxfi məlumatı ötürəcəyi təqdirdə Monako knyazlığında yüksək vəzifə vəd verib. Beləliklə, 2021-ci ilin martında çıxarılan hökm təsdiqlənib.
Kopyalandı
Seçilmişlər
