Gərginlik artdı! | Bu ölkələr arasında qızğın müharibə başlayır?
Polşanın Xarici İşlər Nazirliyi vətəndaşlarına Belarus ərazisini dərhal tərk etmək göstərişi verib.
Bu barədə Polşanın Minskdəki səfirliyi məlumat yayıb.
"Xarici İşlər Nazirliyi Belarus Respublikasına istənilən səfərlərdən çəkinməyi tövsiyə edir və hazırda Belarus ərazisində olan Polşa vətəndaşlarını mövcud kommersiya və şəxsi nəqliyyat vasitələrindən istifadə edərək dərhal ölkəni tərk etməyə çağırır", – deyə diplomatik missiyanın açıqlamasında qeyd olunub.
Bildirilir ki, bu xəbərdarlıq regionda artan gərginlik, iki ölkə sərhədində vəziyyətin gərginləşməsi və Polşa vətəndaşlarının Belarusda həbsləri ilə bağlıdır.
Əlavə edilib ki, təhlükəsizlik vəziyyətinin kəskin pisləşməsi, sərhədlərin bağlanması və ya digər gözlənilməz hallar zamanı təxliyə əhəmiyyətli dərəcədə çətinləşə, hətta qeyri-mümkün ola bilər.
#Polşa Xarici İşlər Nazirliyi teqi istifadə olunub
