Güneyli təhsil işçiləri etiraza qalxdı
İranın Həmədan əyalətində narazı müəllimlər etiraz aksiyası keçiriblər. Bu barədə sosial mediada məlumat yayılıb.
Bildirilib ki, Sənəndəcdə də təhsil işçiləri ayağa qalxıb. Onlar müəllimlərin həbsinə, həmçinin onların saxlanılma şəraitinə etiraz ediblər. Aksiyaçılar “Qadınlar, Yaşamaq, Azadlıq” və “Həbsdə olan müəllimlər azad edilməlidir” kimi şüarlar səsləndiriblər.
Məlumata görə, rejim qüvvələri Sənəndəcdə aksiyaçılara qarşı zor tətbiq edib, şəxsiyyəti hələlik müəyyən edilməmiş iki müəllim həbs edilib. Bununla yanaşı, İranın Ərdəbil, Təbriz, Gilan, Sınandaş, Məşhəd və Hormozqan şəhərlərində Rabitə İdarəsinin işçiləri etiraz aksiyası keçiriblər.
Xuzistan şəhərində də pensiyaçılar məşğulluq qaydalarının və əlavə sığortanın hökumət tərəfindən tənzimlənməməsinə etiraz olaraq nümayiş keçiriblər. Narazı təqaüdçülər “Rabitə İdarəsi həya et, haqqımızı ver!”, “Haqqımızı almayınca susan deyilik!”, “Yalan vədləriniz kifayətdir, süfrələrimiz boşdur!” kimi şüarlar səsləndiriblər.
#İran teqi istifadə olunub
- Vens Pentaqondan şübhələnir – “İranla bağlı real vəziyyət gizlədilir”
- ABŞ–İran xəttində gərgin mərhələ: raketlər yenidən hazır vəziyyətə gətirilir? - AKTUAL GÜNDƏM
- ABŞ və İran arasındakı “nüvə savaşı” daha da alovlanır? - “Bu olsa, bütün dünyanı...” - Baku TV
- Karin Knaysl: “İran düşünür ki, Qərb danışıqlar platformaları rolunu itirir”
- İranla razılaşmaya kim mane olur? | Rubiodan sensasiyalı açıqlama - Baku TV
