Hədəf məhz bura seçildi, çünki... | Rusiyanın ərazilərində qorxulu partlayışlar

Mayın 28-dən 29-na keçən gecə Rusiyanın Hava Hücumundan Müdafiə sistemi Ukraynaya aid 48 PUA-nı zərərsizləşdirib.

Müdafiə Nazirliyinin məlumatına görə, dronlardan 30-u Belqorodda məhv edilib. Orlov, Ryazan və Krımda 4, Moskvada 3, Bryanskda 2 və Tambovda 1 dron vurulub.

Bununla yanaşı, Stavropolda partlayış baş verib. Müharibə veteranı, “Qəhrəmanların zamanı” proqramının iştirakçısı Zaur Qurtsiyev həlak olub. Hazırda partlayışın səbəbləri araşdırılır.

TASS-da yayılan məlumata görə, versiyalar arasında Ukrayna silahlılarının terror aktı törətməsi də var.

UNIAN isə Rusiyanın Sankt-Peterburq şəhərində partlayış baş verdiyi barədə xəbər yayıb. Alışan obyekt strateji əhəmiyyətə malik “Avanqard” zavodudur. Zavod mikrosxem istehsalı ilə məşğul olur. Radioelektron cihazların detalları da burada hazırlanır.

Xəbər verdiyimiz kimi, həm Rusiya, həm də Ukrayna atəşkəslə bağlı memorandum hazırlayır.

İstanbul danışıqlarında Ukrayna nümayəndə heyətinin rəhbəri, bu ölkənin müdafiə naziri Rüstəm Umerov Rusiya tərəfinə müvafiq sənədin verildiyini və cavab gözlədiklərini bildirib.

Onun sözlərinə görə, Rusiyanın memorandum hazırladıqları ilə bağlı bəyanatları Donald Trampın sanksiya xəbərdarlıqlarından sonra səslənməyə başlayıb.