Pleyeri seçin:
Həkimləri şoka salan qadın | İlanın sancdığı şəxs görün nələr etdi
Tailandın Sakeu əyalətində uzunluğu təxminən 3-4 metr olan kral kobrası meşədə göbələk toplayan qadını sancıb.
Bu barədə "Thaiger" nəşri yazıb.
Məlumata görə, ölümcül təhlükəli olan kobra Supin Vanxen adlı qadına hücum edib və onu ayağından sancıb. Lakin qadın özünü itirməyərək ilanı zərərsizləşdirə bilib.
Daha sonra Supin Vanxen xəstəxanaya təkbaşına gələrək öldürdüyü ilanı da özü ilə gətirib, bu mənzərə isə xəstəxana işçilərini şoka salıb.
Qadına vaxtında lazımi tibbi yardım göstərilib, həkimlərin nəzarəti altında sağalıb.
Supin Vanxenin rəfiqəsi isə hadisə barədə sosial şəbəkədə paylaşım edib.
"Supin Vanxen, mənim inanılmaz cəsarətli rəfiqəm göbələk yığmağa gedib və kral kobra tərəfindən sancılıb. O, ilanı öz əlləri ilə öldürüb və xəstəxanaya gətirib. O, həqiqətən də heyrətamizdir. İndi intensiv terapiya bölməsindən buraxılıb və həyatına təhlükə yoxdur", ‒ deyə qadının rəfiqəsi qeyd edib.
Kopyalandı
Seçilmişlər
