“Hizbullah” İsrail Ordusunun itkilərini açıqladı | Qallantdan təşkilata sərt cavab
“Hizbullah”ın silahlı birləşmələri Livanın cənubunda İsrail Ordusuna uğurlu müqavimət göstərdiyini və SAXAL-ın canlı qüvvə və texnikalarını məhv edə bildiklərini açıqlayıb.
Bu barədə silahlı qruplaşmanın rəsmi teleqram kanalında məlumat paylaşılıb.
İddia edilir ki, oktyabrın 1-dən bu yana qarşıdurmalar zamanı İsrail ordusu 90-dan çox canlı qüvvəsini itirib, 750 nəfər isə yaralanıb.
Bundan başqa, əməliyyatlar zamanı İsrailə məxsus 38 Merkava tankı, 4 buldozer, 4 zirehli texnika, 1 zirehli transportyor, 3 Hermez 450 və 1 Hermez 900 pilotsuz təyyarəsi vurulub.
Qeyd edək ki, İsrail tərəfi bu xəbərləri təkzib edib. Ölkənin müdafiə naziri Yoav Qallant hərbi hissələrdən birində açıqlama verərək bəyan edib ki, istər “Hizbullah”ın, istərsə də HƏMAS-ın itkilərə dair yaydığı xəbərlər həqiqəti əks etdirmir.
Nazir rəsmi “X” səhifəsində İsrail ordusunun itkiləri barədə mütəmadi məlumatlar paylaşır. Sözügedən səhifəyə nəzər salsaq, bu rəqəmlərin tərs mütənasib olduğunun şahidi olarıq.
#İsrail teqi istifadə olunub
- "Hizbullah"ın baş katibi Livan hökumətinə meydan oxudu
- İran ordusu hücum planını açıqladı: ABŞ və İsrailə cavab hazırdır? - AKTUAL GÜNDƏM
- Yaxın Şərqdə ABŞ hərbi gəmilərinin sayı 3 oldu: İqtisadi mühasirə, yoxsa yeni münaqişə mərhələsi?
- İran ABŞ-nin əməliyyatları bərpa edəcəyi təqdirdə hədəfə alınacaqların siyahısını hazırlayıb
- Gərginlik alovlanır? - Hərbi əməliyyatlar Yaxın Şərqdən kənara çıxıb? - Baku TV CANLI
