“Hörümçək toru” təkrarlanır? - Ukrayna rəsmisi Rusiyaya xəbərdarlıq etdi ki...

Ukrayna Ordusu Britaniyaya məxsus “Storm Shadow” raketləri ilə Rusiyanın dərinliklərinə hücum edir?

Ukrayna Prezident Ofisinin rəhbərinin müavini Pavlo Palisa bunu təkzib etməyib, amma yalnız legitim hədəflərə zərbə endirilir.

“Bu silahlar tərəfdaş ölkələrlə razılaşdırılmış qaydalara uyğun olaraq istifadə edilir. Rusiyanın narahatlığı və nədən qorxduğuna gəlincə isə yüksək dəqiqliyə malik silahlarla endirilən zərbələr onlar üçün ağrılı olur. Biz belə hücumları davam etdirəcəyik”, ‒ deyə o qeyd edib.

Ukrayna Prezidentinin hərbi məsələlər üzrə müşaviri “Hörümçək toru” əməliyyatının təkrarlanacağı ilə bağlı Rusiyaya xəbərdarlıq da ünvanlayıb:

“Hörümçək toru” əməliyyatı Rusiyanın dərinliklərində hərəkət etmək və dəqiq zərbələr endirmək qabiliyyətimizi nümayiş etdirdi. Əminəm ki, gələcəkdə buna bənzər əməliyyatlar həyata keçiriləcək”.

Qeyd edək ki, hazırda Rusiya Ordusu Ukraynaya hücumları davam etdirir.