İbrahim Kalın mahnıları ilə gündəmə gəldi

Rəcəb Tayyib Ərdoğanın keçmiş sözçüsü İbrahim Kalının ölkənin Milli Kəşfiyyat Təşkilatının rəhbəri təyin olunması Türkiyədə böyük maraqla qarşılanıb. Lakin 51 yaşlı siyasətçi təkcə tutduğu vəzifəsi ilə deyil, mahnı oxuması ilə də gündəmə gəlib.

Belə ki, uzun illər siyasətlə məşğul olan İbrahim Kalının sosial şəbəkələrin Türkiyə seqmentində bir neçə il əvvəl və son zamanlar ifa etdiyi mahnılar istifadəçilər tərəfindən paylaşılır.

Qeyd edək ki, Milli Kəşfiyyat Təşkilatının rəhbəri müxtəlif illərdə bir neçə xalq mahnısını ifa edərək onlara klip də çəkdirib.