İmran Xanın yeni planı ifşa edildi | Həbsdən komandasına bu əmri göndərdi!

Pakistan Ədalət Hərəkatı Partiyasının lideri və keçmiş baş nazir İmran Xan partiya üzvlərinə bütün parlament komitələrindən istefa verməyi tapşırıb.

Bu barədə onun bacısı Alimə Xan qardaşı ilə həbsxanada görüşdükdən sonra yerli KİV-ə bildirib.

“İmran Xan partiyadan olan bütün deputatlara Milli Assambleyanın daimi komitələrindəki vəzifələrindən istefa verməyi tapşırıb”, – o bildirib.

A.Xan həmçinin İmran Xanın Pakistan Ədalət Hərəkatı Partiyasının sədri Barrister Qohar və baş katib Salman Əkrəm Racaya qarşıdan gələn növbədənkənar seçkilərlə bağlı konkret tapşırıqlar verdiyini qeyd edib:

“O hesab edir ki, seçkilərdə iştirak etmək yalnız onun keçirilməsi üçün hüquqi əsas rolunu oynayacaq”.

Pakistan KİV İmran Xanın Pakistan Ədalət Hərəkatı Partiyasına qarşıdan gələn erkən seçkiləri tamamilə boykot etməyi əmr etdiyini yazıb.

Xatırladaq ki, İmran Xan 2018-2022-ci illərdə Pakistan baş naziri olub. 2022-ci il aprelin 10-da parlamentdə etimadsızlıq səsverməsindən sonra vəzifəsindən kənarlaşdırılıb. 2023-cü ildə vəzifə səlahiyyətlərindən sui-istifadə və korrupsiya ittihamları ilə 14 il həbs cəzası alıb.