İnsan həyatı təhlükə altında | Su ilə bağlı araşdırma nələri ortaya çıxardı?

Alimlər qrupu milyonlarla amerikalının kran suyunda yeni kimyəvi birləşmə aşkar ediblər.

Maddənin özü təxminən 40 il əvvəl kəşf edilib, lakin indiyədək tədqiqatçılar onun dəqiq tərkibini müəyyən edə bilməyiblər.

Məlum olub ki, birləşmə qeyri-üzvi xloraminin parçalanmasının son məhsulu olan xlornitramidin anionudur. Alimlərin hesablamalarına görə, təxminən 113 milyon insan tərkibində bu maddə olan suyu içir.

Alimlərin qeyd etdiyi kimi, aşkar edilən maddənin təhlükə dərəcəsini müəyyən etmək hələ də mümkün deyil. Eyni zamanda onun xassələrinin kifayət qədər zəhərli olan digər molekulların xüsusiyyətlərinə bənzədiyini vurğulayırlar.

Daha əvvəl ABŞ Geoloji Tədqiqat Xidməti aşkar etmişdi ki, ölkənin kran suyunun demək olar ki, yarısı PFAS qrupuna aid kimyəvi maddələrlə çirklənib. Alimlər 2016-cı ildən 2021-ci ilə kimi ölkə üzrə 716 məntəqədən, o cümlədən şəxsi quyulardan və ictimai su təchizatından su nümunələri toplayıblar. Məlum olub ki, içməli suyun 45 faizində zərərli maddələr var.