Pleyeri seçin:
İran İsrailin hava müdafiəsini yara bilməyib
İsrailə doğru atılan 300-ə yaxın İran mərmisinin 99%-i zərərsizləşdirilib.
Bu barədə İsrail Ordusunun sözçüsü Daniel Haqariyə istinadən “The Times of Israel” qəzeti yazıb.
Onun sözlərinə görə, İran İsrailə doğru 185 pilotsuz uçuş aparatı göndərib, onların heç biri İsrail sərhədlərinə çatmayıb. Dronlar İsrail hərbçiləri və müttəfiq ölkələr tərəfindən vurulub.
Bununla yanaşı, İranın İsrailə atdığı 36 qanadlı raketin böyük əksəriyyətinin qarşısı alınıb. İran həmçinin İsrailə 110 “yer-yer” tipli raket də atıb. Onlardan bəziləri İsrailin raketdən müdafiə sistemini aşaraq Nevatim aviabazasına uçub.
Ordu sözçüsü bildirib ki, bazaya cüzi ziyan dəyib. Məlumata görə, raketlərin əksəriyyəti İrandan atılsa da, PUA-ların bir qismi İraq və Yəmən ərazisindən havaya qaldırılıb.
Kopyalandı
#İsrail ordusu teqi istifadə olunub
Seçilmişlər
