"Hizbullah"ın raket istehsalı bazası vurulub
Yeniliklərdən dərhal xəbərdar olun
İsrail Hərbi Hava Qüvvələri Livanın şərqində “Hizbullah” təşkilatına məxsus olduğu bildirilən obyektə hava zərbəsi endirib.
Bu barədə İsrail Müdafiə Ordusunun mətbuat xidməti məlumat yayıb.
Bildirilib ki, hücum Livanın Bəqa vadisində, yaşayış məntəqəsi yaxınlığında yerləşən obyektə qarşı həyata keçirilib.
İsrail Ordusunun iddiasına görə, sözügedən obyekt əvvəllər “Hizbullah” tərəfindən raket istehsalı və silahların saxlanılması üçün istifadə olunub.
İsrail Müdafiə Ordusu qeyd edib ki, hazırkı münaqişə dövründə həmin obyektə bir neçə dəfə zərbə endirilib.
“Əraziyə bu yaxınlarda “Hizbullah” üzvlərinin gəldiyinə dair məlumat əldə edildikdən sonra obyektin bərpasının qarşısını almaq məqsədilə onun girişlərinə zərbələr endirilib”, – deyə açıqlamada bildirilib.
Hücum nəticəsində ölən və xəsarətalanlar barədə məlumat verilməyib.
#Hizbullah teqi istifadə olunub
