İran-Pakistan sərhədində şiddətli atışma nəticəsində ölənlər var

Pakistan İranla sərhəddə terrorçuların hücumu nəticəsində iki sərhədçisinin öldürüldüyünü açıqlayıb.

Bu barədə Pakistan Silahlı Qüvvələri məlumat yayıb. Bildirilib ki, hadisə Bəlucistan əyalətinin cənub-qərbindəki Keç bölgəsində baş verib.

“Bir qrup terrorçu Pakistan-İran sərhədi boyunca fəaliyyət göstərən Pakistan təhlükəsizlik qüvvələrinin postunu atəşə tutub. Terrorçulara qarşı effektiv tədbir görülməsi üçün İran tərəfi ilə lazımi əlaqə qurulur”, – deyə məlumatda qeyd olunub.