İran Prezidenti İbrahim Rəisini daşıyan helikopter qəzaya uğradı

İran Prezidenti İbrahim Rəisini daşıyan helikopter qəzaya uğrayıb.

Bu barədə İran KİV məlumat yayıb. Xəbərə görə, qəza İranın Şərqi Azərbaycan vilayətində baş verib.

Qeyd olunub ki, ümumilikdə üç helikopter olub: onlardan ikisi təyinat nöqtəsinə çata bilib. Helikopter qəzası nəticəsində xəsarət alan olmayıb.

Məlumata görə, sözügedən hava gəmisinin göyərtəsində ölkənin xarici işlər naziri Hüseyn Əmir-Abdullahian da olub.