İran səfirliyinə olan hücuma ABŞ rəsmisindən reaksiya

ABŞ-nin Dövlət Departamenti İranın Suriyadakı nümayəndəliyinə hücumunun arxasında İsrailin dayandığını təsdiqləməyib.

Bu barədə Dövlət Departamentinin mətbuat katibi Metyu Miller brifinqdə deyib.

M.Miller nə hədəfin, nə də məsul tərəfin müəyyənləşmədiyini bildirib.

“Bunun tam olaraq nə olduğu barədə məlumat toplamazdan əvvəl mən bu barədə konkret danışmaq istəmirəm”, – deyə M.Miller əlavə edib.

İsrail ordusu isə İranın Dəməşqdəki nümayəndəliyinə hücumu şərh etməkdən imtina edib.

“Biz xarici mediada yayılan xəbərləri şərh etmirik”. Bunu İsrail Ordusunun mətbuat katibi Daniel Hagari söyləyib. O, hadisəni şərh etməkdən imtina edib.