İran üçün strateji əhəmiyyətli ada üzərində gərginlik | Trampdan açıqlama - Baku TV

ABŞ Prezidenti Donald Tramp Vaşinqton və Tehran arasında razılaşmanın qısa müddətdə əldə oluna biləcəyini hesab edir.

Bu barədə o, “The Financial Times” qəzetinə müsahibəsində bildirib.

“Razılaşma kifayət qədər tez əldə oluna bilər”, – deyə Tramp qeyd edib.

O həmçinin vurğulayıb ki, ABŞ və İran arasında Pakistan vasitəçiləri üzərindən aparılan dolayı danışıqlar müsbət gedir.

Tramp eyni zamanda Vaşinqtonun İranda vurulacaq minlərlə hədəfinin hələ də qaldığını bildirib.

“13 000 hədəfi vurmuşuq və hələ 3 min hədəf var”, – deyə Tramp qeyd edib.

ABŞ Prezidenti həmçinin İranın Xark adasının ələ keçirilməsi ehtimalını istisna etməyib.

“Bəlkə də Xark adasını götürəcəyik, bəlkə də yox. Bizim çox variantımız var”, – deyə Tramp vurğulayıb.

O əlavə edib ki, belə bir addım ABŞ qüvvələrinin müəyyən müddət həmin ərazidə qalmasını tələb edə bilər.