İrana qarşı quru əməliyyatı başlayır? | Ağ Evdən kritik açıqlama - Baku TV

"ABŞ Prezidenti Donald Tramp hazırda İrana qarşı quru əməliyyatı planlaşdırmır, lakin bu ehtimal da istisna edilmir".

Bunu Ağ Evin mətbuat katibi Kerolayn Levitt "Fox News"a müsahibəsində bildirib.

"Bu, hazırkı planımızın bir hissəsi deyil. Lakin Ağ Ev rəhbəri bütün variantları nəzərdən keçirir", – deyə mətbuat katibi söyləyib.

Qeyd edək ki, fevralın 28-də ABŞ və İsrail İrana qarşı hərbi əməliyyata başlayıb. İslam İnqilabı Keşikçiləri Korpusu (SEPAH) isə İsraildəki obyektlərə hücum edərək genişmiqyaslı cavab əməliyyatının başlandığını açıqlayıb.

Həmçinin ABŞ-nin Bəhreyn, İordaniya, Qətər, Küveyt, BƏƏ və Səudiyyə Ərəbistanındakı obyektləri də zərbələrə məruz qalıb.

Bu arada, Səudiyyə Ərəbistanında yaşayış binasına mərmi düşməsi nəticəsində iki nəfər ölüb, daha 12 nəfər yaralanıb. Bu barədə Krallığın Mülki Müdafiə Xidməti məlumat yayıb.

Bəyanata görə, mərmi Ər-Riyadın cənub-şərqində yerləşən Əl-Xərc əyalətində təmir və təmizlik şirkətinə məxsus binaya düşüb. Ölən və yaralananların Banqladeş və Hindistan vətəndaşları olduğu bildirilir.