İranda hava limanı vuruldu | Vaşinqtondan ağır zərbələr - Baku TV

ABŞ İranda yerləşən İranşəhr Hava Limanına raket zərbəsi endirib.

Bu barədə “Tasnim” agentliyi məlumat yayıb.

Məlumata görə, hücum ABŞ qırıcıları tərəfindən həyata keçirilib. Hadisə zamanı hava limanı ətrafında üç partlayış səsi eşidilib.

İlkin məlumata əsasən, hadisə səbəbindən ölən və yaralananlar, eləcə də hava limanının infrastrukturuna dəyən ziyan barədə hələlik rəsmi məlumat verilməyib.

Bu arada, ABŞ-nin İranın Bəndər-Abbas şəhərindəki yaşayış məhəlləsinə endirdiyi zərbədən sonra bir nəfər həlak olub, 8 nəfər yaralanıb. Bu barədə “Tasnim” agentliyi məlumat yayıb.

Məlumata görə, hücum şəhərin Allahu Əkbər təpəsi adlanan yaşayış məhəlləsinə həyata keçirilib. Yaralılardan 7-si partlayış dalğasının təsirindən xəsarət alıb, bir nəfərdə isə sınıq qeydə alınıb. Hücum səbəbindən bir nəfər həyatını itirib.

“Tasnim” həmçinin ABŞ-nin Bəndər-Abbas və Şiraz şəhərlərini birləşdirən mühüm nəqliyyat qovşaqlarından hesab olunan körpünü də hədəfə aldığını qeyd edib.