İrəvan gecikdi | Ermənistan XİN və İsrail səfiri arasında qalmaqal

23 fevral 2024 265 baxış

Ermənistan Xarici İşlər Nazirliyi İsrailin Ermənistan və Moldovadakı qeyri-rezident səfiri Coel Lyonun yanvarın 1-də İrəvanda faşist Qaregin Njdenin şərəfinə keçirilən mitinq haqqında səsləndirdiyi fikirlərini indi şərh edib. Bu barədə erməni mətbuatı məlumat yayıb.

Bildirilib ki, milli və ya dini zəmində dözümsüzlükdən irəli gələn istənilən hərəkət, habelə bu mövzuda spekulyasiya qəbuledilməzdir:

"Ermənistanda akkreditə olunmuş xarici diplomatlar bu cür təxribatlara yol verməməli və ölkəyə hörmət göstərməlidirlər".

Qeyd edək ki, faşist Njdenin ad günündə bir qrup insan onun abidəsi önündə nasist simvollarından istifadə edərək mitinq keçirib. Bundan sonra İsrailin Ermənistandakı səfiri Yoel Lyon rəsmi sosial hesabında bildirib ki, nasistlərlə əməkdaşlıq edən Njdenin tərənnümü qəbuledilməzdir və hakimiyyət neonasizmin, antisemitizmin bütün formalarına qarşı qəti mövqe tutmalıdır.

#Ermənistan XİN