İsrail BMT-nin casuslarını ifşa etdi, nümayəndəliyini geri çağırdı

İsrail Ordusunun Mətbuat İdarəsi Birləşmiş Millətlər Təşkilatının Yaxın Şərq Agentliyinin 450 əməkdaşını casusluqda ittiham edib. Onlardan 7-sinin satqın və casus olduğu sübüt edilib. Bu barədə yerli mediada xəbərlər paylaşılıb.

SAXAL-ın iddiasına görə, 2023-cü il oktyabrın 7-də HƏMAS-ın İsrailin cənubuna hücumu məhz bu şəxslərin kordinasiyası ilə reallaşdırılıb. Onların casusluğunu sübüt edən qeydlər də aidiyyəti qurumlara təqdim olunub. Adı hallanan şəxslərdən ikisi BMT-nin Qəzzada fəaliyyət göstərən məktəbində müəllim işləyib. Həmin müəllimlərdən biri məhz israilli girovların harada və necə saxlanılmasına cavabdeh şəxs olub.

İsrail hakimiyyəti isə bu skandal hadisələrdən sonra BMT-dəki daimi nümayəndəsi Gilad Erdanı geri çağırıb. Bu barədə məlumatı İsrailin Xarici İşlər Nazirliyinin rəhbəri İsrael Katz bildirib.

İsrail bu faktları üzə çıxardıqdan sonra ABŞ BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin maliyyələşdirilməsini dayandırıb.

Agentliyinin kommisarı Filip Lazzarini isə bu məlumatların həqiqəti əks etdirmədiyini deyib.

“Şifahi şəkildə səsləndirilən ittihamları etibarlı mənbə məlumatları kimi qəbul edə bilmərik”, – deyə o qeyd edib.