HƏMAS-ın məşhur batalyonu məhv edildi

03 avqust 2025 348 baxış

İsrail Müdafiə Qüvvələri Qəzza zolağının cənubunda fəaliyyət göstərən HƏMAS hərəkatının Beyt Hanun batalyonunu məhv edib.

Bu barədə Ordunun mətbuat xidməti məlumat yayıb.

Qeyd olunub ki, adıçəkilən bölmənin sonuncu üzvləri ağ bayraq qaldıraraq İsrail hərbçilərinə təslim olublar.

“Müstəqil Fələstin dövləti yaranmayanadək silahı yerə qoymayacağıq”.

Bu barədə HƏMAS hərəkatı bəyanat yayıb.

“Silahlı müqavimətimiz milli hüquqlarımız bərpa edilmədən, paytaxtı Qüds olan müstəqil, tam suveren Fələstin dövləti yaranmayana qədər bitməyəcək”, – deyə bəyanatda bildirilib.

Bu arada Donald Trampın xüsusi nümayəndəsi Stiv Uitkoff hazırkı mərhələdə prioritetin Qəzza zolağında hərbi əməliyyatların tam dayandırılması və münaqişənin həlli üçün hərtərəfli razılığın əldə edilməsi olduğunu açıqlayıb.

O əlavə edib ki, İsrail və HƏMAS arasında müvəqqəti razılaşma əvəzinə döyüşlərin dayandırılmasına və bütün girovların qaytarılmasına nail olmaq lazımdır.

#İsrail Müdafiə Ordusu