İsrail polisindən "Haber Global"ın əməkdaşlarına təzyiq

Qüdsdə İsrail polisi “Haber Global”ın əməkdaşlarına silah tuşlayıb.

Bu barədə “Haber Gobal” məlumat yayıb.

Xəbərə görə, jurnalistlər Qüdsdə cümə namazı qılanlara maneçilik törədən polisləri çəkmək istəyiblər. Bunu görən hüquq mühafizə orqanları isə media mənsublarına silah tuşlayaraq onları qorxutmağa çalışıb.

Polislər havaya atəş açıb, həmçinin gözyaşardıcı qazdan istifadə ediblər. Onlar bununla da müxbir Mehmet Altunışık və operator Serdar Altıntepenin işlərinə mane olublar.

Məlumata görə, polislər həm də fələstinliləri evlərindən çıxmağa da məcbur ediblər.