İsrail sülhməramlıları hədəfə aldı, tanklar hücuma keçdi | Gərginlik artır

İsrail tankları BMT-nin Livandakı sülhməramlı bazasının ərazisinə daxil olub.

Bu barədə ərazidə fəaliyyət göstərən missiya nümayəndəri məlumat paylaşıb.

Söhbət Livanın cənubundakı Ramyadakı hərbi bazadan gedir. İsrail sözügedən ərazidə oktyabrın əvvəlindən etibarən “Hizbullah”a qarşı quru əməliyyatı keçirir.

Məlumatda bildirilib ki, oktyabrın 13-ü səhər saatlarında sülhməramlılar sığınacaqlarda olarkən İsrail Müdafiə Ordusunun iki “Merkava” tankı mövqenin əsas qapısını darmadağın edərək içəri daxil olub. Onlar bir neçə dəfə bazadan işıqları söndürməyi xahiş ediblər. BMT-nin ərazidə fəaliyyət göstərən hərbçilərinin iradı və təhdidlərindən 45 dəqiqə sonra İsrail Müdafiə Ordusununun yaraqlıları ərazini tərk edib.

“Çox keçmədən partlayış səsləri eşitdik. Daha sonra bazaya qatı tüstü daxil oldu. Bu səbəbdən BMT missiyasını icra edən 15 əsgərin dərisində qıcıqlanma və mədə-bağırsaqla bağlı problemlər yarandı. Hazırda onlar müalicə olunurlar”, – deyə missiyanın açıqlamasında qeyd olunub.

Məlumat üçün bildirək ki, bu, tərəflər arasında son 4 gün ərzində baş verən 4-cü insidentdir.