Pleyeri seçin:
İsrail və “Hizbullah” razılığa gəlib?
Xəbərlərimizi Google-da izləyin
Yeniliklərdən dərhal xəbərdar olun
“İran Livanda gərginliyin daha da artmasına və ABŞ-nin dəniz blokadasının davam etməsinə imkan verməyəcək”.
Bunu İranın Ali Rəhbərinin hərbi müşaviri Möhsün Rzayi “X” sosial şəbəkəsində yazıb.
O qeyd edib ki, Hörmüz boğazı İranın nəzarəti altındadır.
“İran Silahlı Qüvvələrinin səbrinin də həddi var və Tehran həm dəniz blokadasına, həm də Livandakı vəziyyətin daha da kəskinləşməsinə dözməyəcək” , – deyə Rzayi vurğulayıb.
Bu arada, ABŞ Prezidenti Donald Tramp bildirib ki, İsrail və radikal “Hizbullah” hərəkatı hərbi əməliyyatların dayandırılması barədə razılığa gəliblər. O bunu “Truth Social”da yazıb.
“İsrailin Baş naziri Benyamin Netanyahu ilə çox məhsuldar danışığım oldu. Heç bir qoşun Beyruta getməyəcək, geri dönəcəklər”, – deyə Tramp bildirib.
Onun sözlərinə görə, yüksəkvəzifəli nümayəndələr vasitəsilə atəşkəsə razılıq verən “Hizbullah”la da danışıqlar aparılıb.
“İsrail onlara, onlar da İsrailə hücum etməyəcəklər”, – deyə ABŞ Prezidenti qeyd edib.
Kopyalandı
#Möhsün Rzayi teqi istifadə olunub
Seçilmişlər
