İsrail və Livan hansı məsələdə razılığa gəlib?
İtaliyanın paytaxtı Romada ABŞ-nin vasitəçiliyi ilə Livan və İsrail arasında ikigünlük danışıqlar başa çatıb.
ABŞ nümayəndəsi bildirib ki, tərəflər Romada qoşunların geri çəkilməsi planı üzrə irəliləyiş əldə ediblər.
Bu plana əsasən, İsrail qoşunları bir neçə gün ərzində Livanın cənubundakı "pilot zonalardan" geri çəkilməyə başlaya bilər.
Bu, martın 2-də İsrail və Livanın "Hizbullah" qruplaşması arasında münaqişənin kəskinləşməsindən sonra iki ölkə arasında danışıqların altıncı raundudur.
İyunun 26-da ABŞ-nin vasitəçiliyi ilə bağlanmış çərçivə sazişinə uyğun olaraq, Livan və İsrail silahlı qruplaşmaların tərk-silah edilməsini, eləcə də İsrail qoşunlarının ölkənin cənubundan tədricən çıxarılmasını və orada Livan hökumət qüvvələrinin yerləşdirilməsini nəzərdə tutan "pilot zona" layihəsini həyata keçirmək barədə razılığa gəlib.
Mənbə danışıqları "məhsuldar və müsbət" adlandırıb: "Biz pilot zonanın strukturunu və iş prinsiplərini razılaşdırdıq, onlar yaxın günlərdə yekun olaraq təsdiqlənəcək və həyata keçiriləcək".
Məlumata görə, danışıqlar çərçivə sazişini həyata keçirmək və İsrail ilə Livan arasında hərtərəfli razılaşma əldə etmək üçün texniki mərhələyə keçəcək.
#Livan Respublikası teqi istifadə olunub
- İsrail Livanın cənubuna növbəti dəfə aviazərbələr endirib
- İsrail Livanın cənubuna aviazərbələr endirib, ölənlər var - Baku TV CANLI
- "Ciddi maneələr var" | Gündəmi zəbt edən planın pərdəarxası məqamları - Baku TV
- Netanyahu Livandakı qruplaşmanı nədə ittiham edir? - Baku TV
- Livan yenidən vuruldu | İsrailin zərbələri 11 can aldı - Baku TV CANLI
