İsrail XİN-dən İran TV-lərinə qarşı ittiham

İsrail Xarici İşlər Nazirliyi İran mediasını saxta informasiya yaymaqda ittiham edib.

Bildirilib ki, İran telekanallarında yayımlanan və İsrailə edilən hava hücumlarına aid olduğu bildirilən görüntülər həqiqəti əks etdirmir.Məsələ ilə bağlı nazirliyin “X” hesabında paylaşım edilib.

Söhbət İranın dövlət televiziyası olan IRINN telekanalının yanğın görüntülərinin əks etdirildiyi reportajdan gedir. Telekanalın iddiasına görə, sözügedən görüntülər İsrailə edilən hücumla bağlıdır və gecə əməliyyatları zamanı çəkilib.

Rəsmi Təl-Əviv isə məsələyə aydınlıq gətirərək kadrların İsraillə heç bir əlaqəsinin olmadığını və görüntülərin 2024-cü ilin fevralında Çilidə baş verən meşə yanğınlarından götürüldüyünü açıqlayıb.