Kiselyov Ermənistanın etiraz notasına münasibət bildirdi | Səfir hansı bəyanata görə...

“Rossiya Seqodnya” agentliyinin baş direktoru Dmitri Kiselyov Rusiyanın Ermənistandakı səfiri Sergey Kopırkinin Xarici İşlər Nazirliyinə çağırılmasına münasibət bildirib.

O, “Vesti nedeli” proqramının buraxılışındakı hansı bəyanata görə bu addımın atıldığını bilmədiyini deyib.

Dmitri Kiselyov bu barədə “NEWS.ru”ya açıqlamasında bildirib.

“Erməni qardaşlarımızı konkret hansı ifadənin narahat etdiyini başa düşmürəm. Hələlik şərh ediləcək bir şey yoxdur”, – deyə baş direktor qeyd edib.

Xatırladaq ki, yanvarın 15-i Rusiyanın İrəvandakı səfiri Sergey Kopırkin Ermənistan Xarici İşlər Nazirliyinə çağırılıb, səfirə etiraz notası təqdim edilib. Ermənistan XİN-in mətbuat xidmətindən bildirilib ki, Rusiyanın dövlət televiziyasında yayımlanan “Vesti nedeli” verilişində Ermənistan Respublikasının suverenliyi və ərazi bütövlüyünə qarşı yönələn süni şəkildə yaradılan narrativlər səsləndirilib.