Kiyev Moskvaya ağır zərbələr endirdi | Azov dənizində 12 gəmi vurulub - Baku TV

Ukrayna Ordusu Rusiyanın Azov dənizində fəaliyyət göstərən "kölgə donanması"na məxsus daha 12 gəminin vurulduğunu bildirib.

Ukrayna Pilotsuz Sistemlər Qüvvələrinin açıqlamasına görə, zərbələr Rusiyanın neft ixracı infrastrukturuna qarşı başlanan əməliyyat çərçivəsində həyata keçirilib.

Hədəfə alınan gəmilər beynəlxalq sanksiyalardan yayınmaq məqsədilə neft və neft məhsullarının daşınmasında istifadə olunan "kölgə donanması"na daxildir.

Vurğulanıb ki, tankerlərlə yanaşı, onların yükləndiyi Taqanroq və Azov limanlarına da zərbələr endirilib.

“Ukraynanın 673 təyyarəsi, 284 helikopteri, 178 495 PUA-sı və 665 zenit-raket kompleksi sıradan çıxarılıb”.

Bu barədə isə Rusiya Müdafiə Nazirliyinin rəsmi nümayəndəsi İqor Konaşenkov açıqlama verib.

Onun sözlərinə görə, xüsusi əməliyyatın başladığı gündən indiyə qədər qarşı tərəfin 30 098 tank və digər zirehli texnikası, 1756 reaktiv yaylım atəş sistemi, həmçinin 35 715 artilleriya və minaatanı məhv edilib.