Kiyev və İrpendə qorunan abidələrin mühafizə örtükləri nə zaman çıxarılacaq? - Baku TV

Ukraynanın paytaxtı Kiyev və müharibənin ağır izlərini daşıyan İrpen şəhərlərində tarixi abidələrin taleyi ilə bağlı yeni mərhələ başlayıb. Müharibənin ilk günlərindən etibarən qəlpə və zərbələrdən qorunmaq məqsədilə qum kisələri, metal lövhələr və xüsusi örtüklərlə bürünmüş abidələrin nə zaman açılacağı məsələsi gündəmə gəlib. Baku.tv-nin Ukrayna bürosunun verdiyi məlumata görə, yerli rəsmi qurumlar və bərpaçılar təhlükəsizlik risklərini nəzərə alaraq, bu prosesin mərhələli şəkildə həyata keçirilməsini planlaşdırırlar. İrpen şəhərində artıq bəzi simvolik abidələrin üzərindəki mühafizə qatlarının təmizlənməsinə başlanılsa da, Kiyevin mərkəzindəki dünya əhəmiyyətli abidələr hələ də "zirehli" qalmaqdadır. Mütəxəssislər bildirirlər ki, bu örtüklərin çıxarılması yalnız hava hücumundan müdafiə sistemlərinin tam gücləndirilməsi və regionda nisbi sabitliyin təmin olunmasından sonra mümkün olacaq. Videoda Kiyev və İrpendəki abidələrin hazırkı vəziyyəti və bərpa planları ətraflı əks olunub.