Kolumbiyada dəhşətə gətirən qəza baş verdi
Kolumbiya Hərbi Hava Qüvvələrinə məxsus göyərtəsində 110-dan çox hərbçini daşıyan "Hercules C-130" təyyarəsi qəzaya uğrayıb.
Bu barədə "Reuters" agentliyi məlumat yayıb.
Qeyd olunub ki, hadisə ölkənin cənubunda, Puerto-Legisamo şəhərində uçuş zamanı baş verib. 60-a yaxın hərbçi xilas edilib.
Kolumbiyanın müdafiə naziri Pedro Sançes hadisəni təsdiqləyib. "Dərin kədər hissi ilə bildirirəm ki, silahlı qüvvələrimizin hərbçilərini daşıyan təyyarə uçuş zamanı qəzaya uğrayıb", – deyə o qeyd edib.
Nazir bildirib ki, qəza yerində hərbçilər işləyir, lakin ölənlərin sayı və hadisənin səbəbləri hələlik dəqiq müəyyən edilməyib.
Bundan əvvəl yerli hakimiyyət orqanlarının nümayəndəsi Karlos Arbey Klaros "Caracol" telekanalının efirində 30-a yaxın hərbçinin xəstəxanalara çatdırıldığını bildirmişdi.
Axtarış-xilasetmə əməliyyatı davam edir.
#Kolumbiya teqi istifadə olunub
- 125 hərbçinin olduğu təyyarə yerə çırpıldı | Faciəvi qəza barədə təcili məlumat - Baku TV
- Futbol üzrə DÇ-2026-nın kuboku Kolumbiyada
- Kolumbiyada maşınlardan istifadə minimuma endirildi
- Güclü yağışlar torpaq sürüşməsinə səbəb olub | Kolumbiya
- Kolumbiya Prezidenti Trampın təhdidləri qarşısında susmadı - Baku TV CANLI
