Kreml prosesi görün necə adlandırdı | Detallar açıqlandı

Moldova Respublikasının Qaqauziya Muxtar Ərazi Qurumunun rəhbəri Yevgeniya Qutsula hökm oxunub.

Moldova mediası xəbər verir ki, məhkəmə Yevgeniya Qutsulu 2023-cü ildə seçki kampaniyasının qanunsuz maliyyələşdirilməsi işində təqsirli bilərək onu 7 il müddətinə azadlıqdan məhrum edib.

Rusiya Prezidentinin mətbuat katibi Dmitri Peskov Qaqauziya başqanının həbsini siyasi motivli qərar adlandırıb. O bu barədə jurnalistlərə açıqlamasında deyib. 

“Siyasi motivli qərar. Bu, seçki kampaniyası zamanı siyasi opponentlərə açıq və faktiki olaraq qeyri-qanuni təzyiq göstərmək cəhdlərinin nümunəsidir. Biz Moldovada müxalifətin necə sıxışdırıldığını görürük. İnsanlar öz istədiklərinə səs vermək imkanından məhrum edilirlər. Moldovada demokratiya normaları tapdalanır”, ‒ deyə Kreml sözçüsü bildirib.

Xatırladaq ki, Kişinyov məhkəməsi Qaqauziyanın rəhbəri Yevgeniya Qutsulu müxalif “Şor” partiyasının maliyyələşdirilməsində qanunu pozmaqda ittiham edir.