KTMT Rusiya ilə bağlı təcili məlumat yaydı | Detallar açıqlandı

Rusiya hərbi dəstək üçün müraciət edərsə Kollektiv Təhlükəsizlik Müqaviləsi Təşkilatı Nizamnaməsinə uyğun olaraq üzərinə düşən prosedurları yerinə yetirəcək.

Bu barədə sözügedən təşkilatın mətbuat xidmətindən bildirilib.

Qeyd olunub ki, Ukraynadakı müharibənin KTMT-nin məsuliyyət zonasına keçidi eskalasiyanın yeni mərhələsidir.

Təşkilatın mətbuat xidmətindən həmçinin Rusiya tərəfi ilə mütəmadi olaraq məlumat mübadiləsi həyata keçirildiyi də açıqlanıb.

KTMT əlavə edib ki, bu günə qədər təşkilata Kursk vilayətindəki vəziyyətlə bağlı Rusiya Federasiyasından heç bir müraciət daxil olmayıb.

Xatırladaq ki, bir qədər əvvəl Dövlət Dumasının deputatı Viktor Zavarzin hələlik Kollektiv Təhlükəsizlik Müqaviləsi Təşkilatının Kurskdakı hərbi əməliyyatlarda iştirakına zərurət olmadığını bəyan edib.