Kuleba “24 saat” planından danışdı | Trampın Putinlə bağlı sərt sözlərinə qapılmayın, çünki...
Yeniliklərdən dərhal xəbərdar olun
“ABŞ Prezidenti Donald Tramp Rusiyanın Ukraynaya qarşı müharibəsini sona çatdırmağın çətinliyini dərk edib və artıq buna görə “24 saat ərzində həll”dən danışmır”.
Bu sözləri Ukraynanın keçmiş xarici işlər naziri Dmitri Kuleba “France24” telekanalına müsahibəsində deyib.
“Düşünürəm ki, biz onun Prezident Putin haqqında mənfi sözlərinə və ya şərhlərinə çox da qapılmamalıyıq, çünki ertəsi gün onun Prezident Zelenskiyə və ya bütövlükdə Ukraynaya qarşı oxşar bir şey deməyəcəyinə zəmanət yoxdur”, – o bildirib.
D.Kuleba qeyd edib ki, Tramp sazişin bağlanmasını və müharibənin bitməsini istəyir:
“Hesab edirəm ki, o, bunun ilk düşündüyündən qat-qat çətin olduğunu başa düşdü və nəticəyə nail olmaq üçün daha uzun və daha çox zəhmət tələb olunacaq. Ona görə də artıq “24 saat” haqqında eşitmirik”.
Qeyd edək ki, D.Tramp prezidentlikdən öncə Ukrayna münaqişəsini 24 saat ərzində həll edəcəyini dəfələrlə bildirmişdi.
#Donald Tramp teqi istifadə olunub
- Şençjendə dünya siyasətinin gələcəyi müzakirə olunacaq
- Pekin və Moskva hansı məsələlərdə Trampa qarşı çıxa bilər? - Baku TV
- Trampın və “McDonald's”, “Burger King” kimi şirkətlərin “X”dəki köhnə paylaşımlarında keçidlər dəyişdirilib
- ABŞ İrana zərbələri dayandırır?
- Yaxın Şərqdə hərbi qarşıdurmanın taleyi ilə bağlı Vaşinqtondan diqqətçəkən siqnal - Baku TV CANLI
