Lavrov görüşdən niyə yarımçıq çıxdı? - Bu qüvvələr Rusiyaya qarşı birləşdi?

“Bu, Rusiyanın bayrağı deyil”.

Rusiyanın xarici işlər naziri Sergey Lavrov BMT-nin bayrağını göstərərək təşkilatın Baş katibi Antonio Quterreşlə Nyu-Yorkda baş tutan görüşə bu sözlərlə başlayıb. Söhbət zamanı Ukraynadakı vəziyyət və Fələstin-HƏMAS münaqişəsi müzakirə olunub.

BMT-də Əfqanıstan üzrə regional dördlüyün də görüşü keçirilib. Rusiya, Çin, İran və Pakistanın xarici işlər nazirləri Əfqanıstandakı vəziyyət ətrafında fikir mübadiləsi aparıblar. S.Lavrov bu dialoqu faydalı adlandırıb.

Böyük Britaniyanın xarici işlər naziri İvet Kuper Ukrayna ilə həmrəy olacaqlarını bildirib.

“Görürəm ki, Rusiyanı təmsil edən siyasətçi G20-nin görüşünü tərk edir. Yəqin S.Lavrov Ukraynada aparılan aqressiv və qanunsuz müharibə ilə bağlı bizim cavabımızı eşitmək istəmir. Gəlin səmimi olaq ki, Ukraynada aparılan hərbi əməliyyatlar BMT nizamnamələrini pozur. Rusiyanın yaydığı dezinformasiyalara heç kim inanmır, – deyə əlavə edib.

Qeyd edək ki, Rusiyanın xarici işlər naziri çıxışında digər ölkələri BMT nizamnamələrinə riayət etməməkdə günahlandırıb deyə Böyük Britaniyanın XİN rəhbəri rusiyalı həmkarına belə cavab verib.

S.Lavrovun fikrincə, Afrikadakı böhranın səbəbkarları Avropa ölkələridir:

“Digər nümunə kimi Qərbin səbəb olduğu Ukrayna böhranını göstərmək olar. NATO və Avropa İttifaqı Rusiyaya əsl müharibə elan edib”.

Sonda isə Avstraliyanın xarici işlər naziri Penni Vonq bildirib ki, Rusiya-Ukrayna müharibəsi bütün dünyada iqtisadi problemlərə səbəb olur. Bu isə BMT-nin dayanıqlı inkişaf proqramına ziddir.