Lukaşenko Alyaska sammitindən əvvəl Trampa məsləhət verib

17 dekabr 2025 46 baxış

Belarus Prezidenti Aleksandr Lukaşenko bildirib ki, Alyaskada keçirilən Rusiya-ABŞ sammitindən əvvəl ABŞ Prezidenti Donald Trampa Rusiya ilə razılığa gəlməyi tövsiyə edib.

Lukaşenko bu barədə "Newsmax TV" telekanalına müsahibəsində danışıb.

Onun sözlərinə görə, Trampın Rusiya Prezidenti Vladimir Putinlə Alyaskada avqust ayında baş tutan görüşündən əvvəl telefon danışığı zamanı ABŞ liderinə Ukrayna münaqişəsinin tez və asan yolla həllinin mümkün olmadığını deyib.

“Trampa bildirdim ki, ciddi və ağır işə hazır olmaq lazımdır. Bu problemi tələskənliklə həll etmək mümkün deyil. Ona məsləhət gördüm ki, Rusiya ilə razılığa gəlmək üçün bütün səylərini göstərsin və müharibəni dayandırsın”, – deyə Lukaşenko vurğulayıb.

Belarus Prezidenti eyni zamanda Trampın mövqeyini dəstəklədiyini qeyd edib. Həmin mövqeyə əsasən, Ukraynada döyüşlərin dayandırılması məsələsində münaqişənin hazırkı nəticələri və mövcud reallıqlar nəzərə alınmalıdır.

#Aleksandr Lukaşenko