Luvr muzeyində hamını mat qoyan oğurluq necə başa verib?

Parisdəki məşhur Luvr muzeyində oğurluq hadisəsi baş verib.

Beş nəfər naməlum şəxs muzeyə daxil olaraq Napoleona və imperatriçaya aid zinət əşyalarını ‒ boyunbağı, bər-bəzək broşu və diademanı oğurlayıblar.

Ümumilikdə oğrular Apollon Qalereyasında yerləşən otağa çataraq doqquz eksponatı ələ keçiriblər.

Fransa daxili işlər naziri Brüno Retayo Luvr muzeyində baş vermiş oğurluq hadisəsinin təfərrüatlarını açıqlayıb.

O bildirib ki, cinayətkarlar muzeyə daxil olmaq üçün avtomatik tikinti pilləkənindən istifadə ediblər.

Məlum olub ki, oğrular Sene çayı sahilindən, hazırda təmir işləri aparılan ərazidən muzeyə daxil olublar. Onlar Apollon Qalereyasındakı zala birbaşa giriş əldə etmək üçün yük liftindən istifadə ediblər.

Luvr muzeyindəki oğurluğun görüntüləri də yayılıb. Videoda özünü muzey işçisi kimi təqdim edən naməlum şəxsin diqqəti cəlb etmədən sakitcə eksponatların olduğu yerə daxil olması əks olunub.

Hadisə muzeyin Apollon Qalereyasında çoxsaylı ziyarətçilərin gözü qarşısında baş verib.

O da məlum olub ki, oğurluq cəmi 7 dəqiqə ərzində həyata keçirilib, xəbərdarlıq siqnalları işə düşməyib.