Pleyeri seçin:
Luvr muzeyinə 88 milyon avro ziyan dəyib?
Luvr muzeyində baş vermiş zinət əşyalarının oğurlanması nəticəsində muzeyə 88 milyon avro dəyərində zərər dəyib.
Bu barədə Paris prokuroru Lor Bekko RTL radiosuna bəyan edib.
"Luvr direktoru zərəri 88 milyon avro olaraq qiymətləndirir. Məbləğ təsirli olsa da, heç bir şəkildə tarixə vurulan zərərlə müqayisə edilə bilməz", – deyə L.Bekko qeyd edib.
Fransanın Mədəniyyət Nazirliyi "Financial Times" qəzetinə deyib ki, oğurlanan zinət əşyaları sığortalanmayıb. Sadəcə olaraq, Luvrda belə bir siyasət yoxdur, çünki Leonardo da Vinçinin "Mona Liza"sı və "Tanisin Böyük Sfinksi" kimi əsərlərin dəyərini qiymətləndirmək mümkün deyil.
Nazirlik sözçüsü izah edib ki, milli muzey eksponatları normal saxlanma yerində olduqda dövlətin özü sığortaçı kimi çıxış edir.
Kopyalandı
#Fransa teqi istifadə olunub
Seçilmişlər
