site.post.choose_player
“Maduro kənardan müdaxilə ilə devrilsə...” | Klintondan xəbərdarlıq
ABŞ Prezidenti Donald Tramp indi də Venesuelaya ölkəyə qarşı hərbi əməliyyata hazırlaşır.
Bunu ABŞ-nin sabiq dövlət katibi Hillari Klinton Nyu-Yorkda Xarici Əlaqələr Şurasının təşkil etdiyi paneldə dinləyicilərin suallarını cavablandırarkən deyib.
D.Tramp Administrasiyasının Karib hövzəsi regionunda artan hərbi fəaliyyəti ilə bağlı sualı cavablandıran H.Klinton deyib ki, onlar Nikolas Maduroya qarşı hansısa hərbi əməliyyat üçün zəmin yaradırlar.
H.Klinton iddia edib ki, ABŞ-nin əsl niyyəti narkotiklərin qarşısını almaq deyil, N.Maduro Administrasiyası ilə qarşıdurma yaratmaqla onu hakimiyyətdən əl çəkməyə məcbur etməkdir.
H.Klinton narkotiklərin ABŞ-yə Venesueladan deyil, Çindən daşındığını vurğulayaraq bildirib ki, burada daha böyük bir məqsəd var.
N.Maduronun kənardan müdaxilə ilə devriləcəyi təqdirdə Venesuelanın Liviyaya bənzəyəcəyi barədə xəbərdarlıq edən H.Klinton belə davam edib: “Cənubi Amerika sahillərində nəhəng Somali yaranacaq”.
site.post.link_copied
site.post.chosen_posts
