Makron Ukrayna və ABŞ-dən geri qalmamaq üçün görün nə edəcək

Fransa raket arsenalını 10 il ərzində ikiqat artırmağı planlaşdırır.

Bu barədə "Le Marine" nəşri məlumat yayıb.

Nəşrin yazdığına görə, Fransa Amerikanın "Tomahawk" və Ukraynanın "Long Neptun" kimi uzaqmənzilli sistemlərinin yeganə Avropa ekvivalenti olan MdCN dəniz kruiz raketinin istehsalını bərpa etmək məcburiyyətində qalıb.

Bu raketlərin istehsalının ilkin müqavilələr yerinə yetirildikdən sonra faktiki olaraq dayandırıldığı və yeni sifarişlərin olmaması səbəbindən istehsal xətlərinin dondurulduğu ortaya çıxıb.

MdCN yalnız Fransa tərəfindən istifadə edilən, təxminən 1000 km mənzilli dənizdən atılan raketdir. Uğurlu sınaqlara və 2010-cu illərin ortalarında tədarüklərə başlamasına baxmayaraq, proqram heç vaxt sabit tədarük dövrünə nail ola bilməyib və bu da istehsalda fasiləyə səbəb olub.

Müasir münaqişələrin artan intensivliyi fonunda Fransa öz arsenalını kəskin şəkildə artırmağı planlaşdırır. Kruiz raketlərinin sayının 2030-cu ilə qədər 85%, 2035-ci ilə qədər isə 170% artması nəzərdə tutulub.