Maksim Qalkin və Alla Puqaçova İsraildən qaçdı?

Rusiyalı yumorist aktyor Maksim Qalkin həyat yoldaşı Alla Puqaçova ilə birlikdə İsraildən qaçdıqlarına dair yayılan xəbərlərin həqiqəti əks etdirmədiyini deyib.

O, sosial şəbəkə hesablarından birində video paylaşaraq bildirib ki, HƏMAS-ın İsrailə genişmiqyaslı hücumuna baxmayaraq, bu ölkəni sevdiklərindən heç yerə getməyiblər və qalaraq dəstək olublar.

“Özüm əslən israilliyəm. Bu gün də İsrailin çətin günlərində ölkəyə vətəndaş dəstəyimi nümayiş etdirirəm. Artıq həm hava limanı, həm də turizm şirkətləri öz fəaliyyətini bərpa edib. Bunu deməkdə məqsədim ölkəni tərk etməkdə hər hansı maneəmizin olmadığını nəzərə çatdırmaqdır. Buna baxmayaraq, mən və ailəm daha öncə də bildirdiyim kimi, burada qalmaqda qəti qərarlıyıq. Biz qorxaq deyilik”, – o deyib.

Qeyd edək ki, 2022-ci ildə Ukraynada müharibə başladığı zaman Rusiyanın Xalq artisti Alla Puqaçova, həyat yoldaşı aktyor Maksim Qalkin və 10 yaşlı övladları – Qarri və Liza ilə birlikdə Rusiyadan İsrailə köçüblər.