“Retsital” ticarət nişanı Alla Puqaçovanın əlindən çıxdı?

17 noyabr 2025 219 baxış

Rusiyalı müğənni və SSRİ Xalq artisti Alla Puqaçova Rusiyada "Retsital" ticarət nişanına olan hüquqlarını itirib. O, 2022-ci ildən xaricdə yaşayır.

RBC nəşrinin xəbərinə görə, bu barədə məlumat "Rospatent" bazasında əks olunub.

Məlumata görə, "Retsital" ticarət nişanı üçün müraciət "Rospatent"ə 16 oktyabr 2015-ci ildə təqdim edilib, 2017-ci ildə isə onun qeydiyyata alınması barədə qərar qəbul edilib.

Ticarət nişanının qeydiyyatı üzrə ərizənin təqdim edilməsindən 10 il sonra, yəni 16 oktyabr 2025-ci ildə onun qüvvədə olduğu müddət bitib.

Ticarət nişanının qeydiyyata alındığı xidmətlər sırasına musiqili avtomatlar, səsyazma avadanlığı, kitab nəşri və təhsil daxildir.

"Retsital" 1980-ci illərdən başlayaraq Alla Puqaçovanı uzun illər müşayiət edən rus qrupudur. Sənətçi musiqiçilərlə birlikdə "Kak trevojen etot put" albomunu yazdırıb.

Əməkdaşlığın başa çatmasından sonra kollektiv müstəqil çıxışına davam edib.

#Rusiya