"Alla Borisovna" daha onun olmayacaq? - Alla Puqaçova indi nə edəcək ?

Məşhur müğənni Alla Puqaçova “Alla Borisovna” ticarət nişanı hüququnu itirə bilər.

Bu barədə Rusiya mətbuatı “Rospatent”in elektron məlumat bazasına istinadən informasiya yayıb.

Sənədlərə görə, müğənninin ticarət nişanı 1997-ci ildə qeydiyyatdan keçib, onun etibarlılıq müddəti bir neçə dəfə uzadılıb. Sonuncu dəfə bu müddət 2016-cı ildə 25 aprel 2026-cı ilə qədər artırılıb. Puqaçova onu bir daha uzatmasa, o, ticarət nişanını itirmək riski ilə üzləşir.

“Rospatent” məlumat bazasına əsasən, Rusiyada “Alla Borisovna” ticarət nişanı ilə geyim, baş geyimləri, tütün, oyuncaqlar və s. istehsal oluna və satıla bilər.

Ukraynada müharibə başlayandan sonra Puqaçova əri Maksim Qalkin və uşaqları ilə birlikdə Rusiyanı tərk edərək İsrailə gedib. İndi məşhur cütlük dünyanı aktiv şəkildə gəzir.

Cütlüyün İsrail pasportu, həmçinin Kipr vətəndaşlığı var.