"Ana"nın gizli mesajı | Alla Puqaçovanın mahnısı niyə rezonans doğurdu?

02 aprel 2025 417 baxış

Məşhur rusiyalı müğənni Alla Puqaçova aprelin 1-də müharibə mövzusuna həsr olunmuş iki yeni mahnısını təqdim edib.

“Kult” xəbər verir ki, mahnılar müğənninin rəsmi yutub kanalında yayımlanıb.

Onlardan biri “Ana” adlanır. Mahnının musiqisi bəstəkar Andrey Misinə, sözləri isə Puqaçovanın özünə məxsusdur. Mahnıda müharibədə həlak olmuş bir gəncin anası ilə dialoqu təsvir olunur.

Mahnının mətnində aşağıdakı sözlər yer alır:

“Ana, sənin üçün mən sağam. Eşidirsən, ana, həmişə səninləyəm. Lənətləyirəm o döyüşü, ana, bizi ayıran o döyüşü”.

Ananın iztirablarını əks etdirən sətirlər də diqqət çəkir:

“Mən səni necə buraxa bildim, oğlum, necə buraxa bildim o dəhşətli döyüşə. Buraxdım səni, şeytana uydum. Ürəyim tab gətirmədi birdən, amma sən hər gecə yuxuma girirsən”.

Puqaçovanın yeni mahnıları sosial şəbəkələrdə geniş müzakirələrə səbəb olub. Müğənni özü isə hələlik bu layihə ilə bağlı şərh verməyib.

#Rusiya