Mark Zukerberq "Meta" şirkətindəki əməkdaşlarla daim canlı rejimdə əlaqə qura biləcək
"Meta" şirkətinin qurucusu və baş direktoru Mark Zukerberq əməkdaşlarla canlı rejimdə ünsiyyət qura biləcək rəqəmsal süni intellekt avatarını inkişaf etdirir.
Bu barədə "Financial Times" qəzeti öz mənbələrinə istinadən məlumat yayıb.
Sözügedən layihə korporasiyanın "şəxsi superintellekt" formalaşdırmaq istiqamətindəki qlobal strategiyasının tərkib hissəsi hesab olunur. Bu addımlar çərçivəsində "Meta" fərdi davranış və danışıq tərzini təqlid edə bilən virtual avatarlar üzərində sınaqlar həyata keçirir.
Nəşrin məlumatına əsasən, son vaxtlar Zukerberqin rəqəmsal əkizinin yaradılmasına böyük önəm verilir. Bildirilir ki, baş direktor 3D avatarın öyrədilməsi və sınaqdan keçirilməsi prosesinə şəxsən cəlb olunub. Gələcəkdə bu modelin onu əməkdaşlarla ünsiyyətdə müəyyən dərəcədə əvəzləyəcəyi planlaşdırılır.
Rəqəmsal surət səs qeydləri, fotolar və açıq çıxışların videomaterialları əsasında hazırlanıb. Bu məlumat bazası avatara top-menecerin danışıq xüsusiyyətlərini, hərəkətlərini və ünsiyyət tərzini dəqiq kopyalamağa şərait yaradır. Tətbiqin əməkdaşların işə cəlb olunma səviyyəsini yüksəldəcəyi və şirkətin qurucusu ilə birbaşa təmas təəssüratını artıracağı proqnozlaşdırılır.
Qeyd olunur ki, layihə hazırda işlənmə mərhələsindədir və "Meta" korporasiyasının rəhbər şəxslər üçün nəzərdə tutulan fərdi süni intellekt assistentləri kimi digər təşəbbüsləri ilə birbaşa bağlılığı yoxdur.
#Meta şirkəti teqi istifadə olunub
- “Meta” Fransada hərbi çevrilişlə bağlı saxta videonu silməkdən imtina edib
- Sosial şəbəkələr, həqiqətən də, bizi dinləyirmi? | Mütəxəssisdən açıqlama
- Onların kitabı bağlandı | Azərbaycana qarşı təxribat aparan hesablar barədə qərar
- “WhatsApp”da reklamlar necə yerləşdiriləcək? - İstifadəçilər bunları bilsin
- ETX və “Meta” nümayəndələri ADA Universitetində görüş keçirdi | Nələr müzakirə edildi?
