“Maşa və Ayı”nın yayımı Ukraynada məhdudlaşdırılacaq?

Ukraynada Rusiya istehsalı olan "Maşa və Ayı" cizgi filminin yayımının məhdudlaşdırılması məsələsi gündəmə gəlib. Ali Radanın söz azadlığı komitəsinin sədri Yaroslav Yurçışinin sözlərinə görə, cizgi filmi Rusiya ilə əlaqələri və təbliğat elementləri səbəbindən araşdırılıb. O, bəzi epizodlarda Maşanın sovet hərbi geyimində təsvir olunmasını uşaqların "erkən yaşdan militarizasiyası" cəhdi kimi qiymətləndirib. Həmçinin, layihənin rəsmi saytının Rusiya domenində yerləşməsi və "VK" kimi sanksiyalı Rusiya platformalarına bağlı olması narahatlıq doğurub. Ukrayna Nazirlər Kabineti artıq Təhlükəsizlik Xidməti və Milli Televiziya Şurası da daxil olmaqla, aidiyyəti qurumlara məsələni araşdırmaq üçün göstəriş verib. Sanksiyalar tətbiq olunarsa, Ukrayna Milli Polisi cizgi filminin yayımını məhdudlaşdırmağa hazırdır.