Məkkədə zəvvarların müəmmalı ölümü | İtkin düşənlər axtarılır

Məkkədə Həcc ziyarəti zamanı 14 İordaniya vətəndaşı ölüb.

Bu barədə İordaniyanın Xarici İşlər Nazirliyinin mətbuat xidməti məlumat yayıb.

Bildirilib ki, ölən 14 zəvvarın cənazələrinin daşınması prosedurunun başlanması üçün Səudiyyə Ərəbistanı ilə təmasdadır. Eyni zamanda itkin düşən 17 nəfərin axtarışları davam etdirilir.

Ölümün səbəbləri açıqlanmır, lakin əvvəllər altı zəvvarın istilər nəticəsində öldüyü qeyd olunub.

Səudiyyə Ərəbistanı Baş Statistika İdarəsinin məlumatına görə, bu il Həcc ziyarətində 1,8 milyondan çox insan iştirak edəcək. Səudiyyə rəsmiləri daha əvvəl xəbərdarlıq ediblər ki, builki rituallar zamanı temperatur 48 dərəcə istiyə çata bilər.