Müharibə riski bir qrup NATO ölkəsini təşvişə saldı | Yeni plan qurulur?

“Rusiya ilə həmsərhəd olan bir qrup NATO ölkəsi alyansın milli hərbi xərclərini artırmaq üçün diplomatik səylərə başlamağı planlaşdırır. Səbəb indiki büdcələrin artıq Qərbin üzləşdiyi təhlükələrə adekvat olmamasıdır”. Bu barədə “Times” nəşri yazır.

Qeyd olunur ki, Estoniya və şərq cinahında yerləşən digər ölkələr Ukraynadakı müharibəni və gələcəkdə Rusiyanın NATO-ya qarşı təcavüzü ehtimalını nəzərə alaraq alyans üzvlərinin ÜDM-in ən azı 3%-ni müdafiəyə sərf etmələrini müdafiə edəcəklər.

Belə ki, bu təşəbbüs NATO liderlərinin iyulda Vaşinqtonda keçiriləcək görüşündən sonra geniş vüsət alacaq.