Pleyeri seçin:
Müxalifət rəhbər vəzifəsini kimə həvalə etdi? | Detallar açıqlandı
Suriyada iqtidara gələn müxalifətin ölkədə yeni hökumətin qurulmasını Məhəmməd Bəşirə həvalə edəcəyi gözlənilir.
Bu barədə “Əl-Cəzirə” telekanalı mənbələrə istinadən məlumat yayıb.
“Məhəmməd Bəşirə keçid mərhələsinə rəhbərlik etmək üçün yeni hökumətin tərkibini formalaşdırmaqla bağlı tapşırıq veriləcəyi gözlənilir”, – deyə məlumatda bildirilir.
Qeyd olunur ki, Məhəmməd Bəşir ixtisasca mühəndisdir. 2024-cü ilin yanvarından Suriya müxalifəti onu həmin vaxt nəzarət altında olan ərazilərdə Baş nazir təyin edib. Bundan əvvəl isə o, müxalifət idarəetmə orqanında inkişaf və humanitar məsələlər naziri vəzifəsində çalışıb.
Xatırladaq ki, daha əvvəl Suriya müxalifəti onun rəhbərlik etdiyi yeni idarəetmə orqanının 18 aylıq keçid dövrü üçün nəzərdə tutulduğunu, o cümlədən yeni Konstitusiyanın hazırlanmasına 6 ay vaxt ayrılacağını bildirib.
Kopyalandı
#Suriya müxalifəti teqi istifadə olunub
Seçilmişlər
