NATO-nun Şərqə genişlənmə planı iflas etdi? | Tbilisidən sərt reaksiya - Baku TV

NATO rəhbərliyi illər ərzində Gürcüstan və Ukraynaya alyansa qəbul olunacaqları ilə bağlı əsassız vədlər verib.

Bu barədə hakim "Gürcü Arzusu - Demokratik Gürcüstan" Partiyasının Baş katibi və Tbilisi meri Kaxa Kaladze jurnalistlərə açıqlamasında bildirib.

Onun sözlərinə görə, hər iki ölkəyə daim NATO-nun qapılarının açıq olduğu deyilsə də, indi alyansın nümayəndələri onların üzvlüyünün faktiki olaraq qeyri-mümkün olduğunu açıq şəkildə etiraf edirlər.

Öz növbəsində, parlamentin Avropa ilə inteqrasiya məsələləri üzrə komitəsinin sədr müavini Tornike Paqava da qeyd edib ki, əgər NATO Gürcüstanı sıralarına qəbul etməkdən qəti şəkildə imtina edərsə, Tbilisi çoxvektorlu xarici siyasət yürütməli olacaq.

O həmçinin əlavə edib ki, Fransa və Böyük Britaniya daxil olmaqla, NATO-nun üzv ölkələri artıq alyansın şərq istiqamətində daha da genişlənməyi planlaşdırmadığını açıq şəkildə bəyan edirlər.