Nazirin təyyarəsində xaos | Britaniya ört-basdır edir?

Polşadan qayıdan Böyük Britaniyanın müdafiə naziri Qrant Şeppsin olduğu təyyarənin peyk siqnalı Rusiya tərəfindən pozula bilər.

Bu barədə “Reuters”ə Britaniya hökumətindəki mənbələr məlumat verib.

Bildirilib ki, təyyarə Rusiyanın Kalininqrad vilayəti yaxınlığında uçarkən göyərtəsindəki GPS siqnalı təxminən 30 dəqiqə bloklanıb.

Bu müddət ərzində mobil telefonlar internetə qoşula bilməyib, ona görə də təyyarənin yerinin müəyyən edilməsi üçün alternativ üsullardan istifadə edilməsi məcburiyyəti yaranıb.

Britaniya Müdafiə Nazirliyi vəziyyəti şərh etməkdən imtina edib.